禮

2009年6月4日 , 晚上八點到十點 , 叱咤樂壇大戰維園燭光晚會 .

晚會開始前 , 聽到新聞話預計將會有接近十萬人 .

到接近開始 , 話已經有八萬人 , 但係仲陸續有o黎 .

到晚會完結 , 公佈參與總人數十五萬 ! ! !  大感動 ~

坐哂六個足球場之餘 , 籃球場同草地都坐滿 , 逼爆維園 . 慶幸香港仲有有心人 .

聽去完的朋友講 , 今次好多廿歲左右的後生仔女 , 同埋大家非常守秩序兼自律 , 離開無話爭先恐後又將滴咗落地o既蠟"括"走 . 真心覺得香港市民係值得驕傲 !

我雖然喺直播室做節目 , 但係個心真係飛咗去維園 . 另外今日節目第一個鐘將訪問抽起 , 只係播歌 , 希望大家都感受到我o既感覺 .

抗戰二十年 ~ Beyond

如果天有眼 ~ 黃貫中

刀槍不入 ~ 盧巧音

愛的教育 ~ 梅艷芳

有發生過 ~ 楊千嬅

- - - - - - - - - - - - - - - -

天問 ~ 達明一派

Ridiculous Thoughts ~ The Cranberries

白鴿 ~ 伍佰

冇腳雀仔 ~ At 17 & Eric Kwok

沒有煙抽的日子 ~ 張惠妹

下世紀再嬉戲 ~ 黃耀明

聽到呢一小時節目o既朋友 , 希望你都感受到我o既情緒同心意 .

離開公司o既時候 , 聞到非常清新o既空氣 , 刻意再大力吸多幾吓 . 慶幸自己係香港人 , 能夠呼吸"自由o既空氣" .

期待下一個十年 , 希望可以繼續將呢團火傳俾千禧年出世/長大o既朋友 .

臨近五月尾六月頭個人就特別激動同感觸 , 尤其是今年 , 二十年了 .

有好多人繼續將燭光燃亮 , 不厭其煩地將事件由頭講完一次又一次 .

亦有好多人將事件變成故事 , 都不願多提了 . . .

九十年代出世的朋友更加可怕 , 大多數都無興趣知同埋當"鬼故"咁聽 . . .

突然好想祈禱 ,

為二十年前於事件犧牲的人(手無寸鐵的"人")祈禱 .

為抗戰二十年的人祈禱 .

為陳一諤  呂智偉  兩位皇仁學生  當然唔少得"代表我們的"曾蔭權祈禱 .

一踏入2009年的6月4日 , 天空放聲嚎哭兼行雷閃電 .

"良心有愧"的朋友確實要小心兼應該"擔驚受怕" .

最後 , 祝聽晚有個好天氣 , 令準備去維園的朋友不會太狼狽 , 不會令到大家所著的"白色衫"濕透 , 特別係我的朋友 , 我個人雖然留守903直播室 , 但係我個心靠你哋為我帶去維園喇 !

阿們 .